İctimai iaşə portalı

WUF13 tədbiri çərçivəsində təqdim etdiyimiz ictimai iaşə xidmətləri, iştirakçıların müxtəlif qidalanma ehtiyaclarını qarşılamaq məqsədilə geniş menyu seçimlərini əhatə edir. Hər bir iştirakçının fərqli qidalanma seçimləri nəzərə alınaraq vegetarian, veqan, qlütensiz, laktozasız və halal menyular təqdim olunur.  Yeməklərimiz təzə və keyfiyyətli məhsullardan sağlamlıq və balans prinsiplərini ön planda tutaraq qlobal auditoriyanın zövqünə uyğun olaraq hazırlanmışdır. İaşə xidmətlərimizin təşkilində davamlılıq prinsipləri əsas prioritetlərdən biridir Şəhər davamlılığının əsas müzakirə mövzularından biri olduğu WUF13 çərçivəsində ekoloji məsuliyyət prinsiplərinə xüsusi diqqət yetirilir. Bu istiqamətdə yerli istehsalçı və fermerlərin dəstəklənməsi, həmçinin daşınma məsafəsinin azaldılması məqsədilə yerli məhsullardan istifadəyə üstünlük verilir. Komandamız mövsümi məhsulların seçimində tullantıların və qablaşdırmanın azaldılmasına, eyni zamanda təqdim olunan yeməklərdə yüksək keyfiyyət standartlarının qorunmasına xüsusi diqqət yetirir.  Tədbirin davamlı şəhər gələcəyinə yönəlmiş yanaşmasına uyğun olaraq, birdəfəlik plastik qablardan istifadə olunmur, qida hazırlığı və xidmət proseslərində ekoloji məsuliyyət prinsipləri tətbiq olunur.

Yüksək təcrübəyə malik komandamız yeməklərin hazırlanması, təqdimatı və vaxtında çatdırılması proseslərinin hər mərhələsində peşəkar xidmət göstərir. Hazırlıqdan təqdimata və servis prosesinədək bütün mərhələlərdə ən xırda detallara xüsusi diqqət yetirilərək operativ və koordinasiyalı xidmət təmin olunur. Tədbirin proqramına uyğun olaraq bufet xidməti, yemək qutuları, qəhvə fasilələri və kanapelər daxil olmaqla müxtəlif iaşə xidmətləri təqdim edirik.   Əməkdaşlarımız qida təhlükəsizliyi üzrə müvafiq təlimlərdən keçmiş və iştirakçılara təhlükəsiz və yüksək standartlara uyğun qida xidmətlərinin göstərilməsi üçün fəaliyyət göstərəcəkdir.  Məqsədimiz WUF13 iştirakçıları üçün rahat, qonaqpərvər və yüksək keyfiyyətli iaşə xidmətlərinin təqdim olunmasını təmin etməkdir.