İçərişəhər, Qız qalası və Şirvanşahlar Saray Kompleksi

Yerli əhali arasında İçərişəhər kimi tanınan Qala Divarları ilə əhatə olunmuş yaşayış məskəni paytaxtın tarixi mərkəzi olmaqla yanaşı, orta əsr memarlığının möhtəşəm nümunəsidir. XII əsrə aid müdafiə divarları ilə əhatə olunmuş şəhər sərt Xəzər küləklərinin təsirini azaltmaq, müdafiə qabiliyyətini yüksəltmək üçün strateji olaraq planlaşdırılmış dar və dolanbac, lakin mərkəzə şaxələnmiş küçələrə malikdir. Məkan ümumbəşəri dəyərə malik abidələri, xüsusilə də daha qədim özüllər üzərində XII əsrdə inşa edilmiş silindrik formalı Qız qalasını və XV əsrə aid Şirvanşahlar Sarayını, yaşayış binalarını, məscidləri özündə birləşdirir. Tarixi davamlılığı tərənnüm edən bu məkan Paleolit dövründən başlayaraq Zərdüşt, Sasani, Ərəb, Şirvanşahlar və Osmanlı dövrlərinə qədər mədəni varlığın çoxlaylı izlərini nümayiş etdirir.