Azərbaycan Milli Kitabxanası

Kitabxananın rəsmi açılışı 23 may 1923-cü ildə baş tutmuşdur. 1939-cu ildə isə kitabxanaya görkəmli mütəfəkkir, dramaturq və maarifçi adı verilmişdir.

Zəngin fonda Azərbaycan kitab mədəniyyətinin ən qədim nümunələri, litoqrafiya üsulu ilə çap olunmuş əsərlər, ilk çap kitabları və XIX əsrə aid dövri nəşrlər daxildir. Nadir Kitablar və Kitabxana Muzeyi şöbəsində 20-yə yaxın dildə nəşr olunmuş ən qədim kitablar, müxtəlif elm sahələrinə aid fundamental tədqiqat əsərləri, qiymətli plakat və xəritə kolleksiyaları, eləcə də ensiklopedik və məlumat ədəbiyyatı qorunur.

Kitabxanada Azərbaycan dilində nəşrlərlə yanaşı, müxtəlif xarici dillərdə çap olunmuş zəngin ədəbiyyat fondu da mövcuddur.