Müslüm Maqomayev Adına Azərbaycan Dövlət Akademik Filarmoniyası

Müslüm Maqomayev adına Azərbaycan Dövlət Akademik Filarmoniyasının binası 1910–1912-ci illərdə “İctimai yığıncaqlar üçün Yay klubu” kimi inşa edilmişdir. 1920-ci ildən etibarən bu binada müxtəlif musiqi kollektivləri, orkestr və musiqisevərlər toplaşmağa başlamışdırlar. 25 may 1936-cı ildə isə Filarmoniya Azərbaycanda rəsmi fəaliyyətə başlamışdır.

Azərbaycan Dövlət Akademik Filarmoniyası klassik musiqinin təbliği və inkişafında mühüm rol oynayır. Filarmoniya öz kollektivləri ilə yanaşı, mütəmadi olaraq müxtəlif ölkələrdən tanınmış solistlərin iştirakı ilə konsert proqramları təşkil edir.