Şəhərlərdən Sərhədsiz Ticarətə: İxrac və Logistika Forumu

Azərbaycan Respublikası İqtisadiyyat Nazirliyi - Azərbaycan Respublikası İxracın və İnvestisiyaların Təşviqi Agentliyi-AZPROMO

“Şəhərlərdən Sərhədsiz Ticarətə: İxrac və Logistika Forumu” şəhərlərin ixrac, logistika və iqtisadi əlaqələrin inkişafında artan rolunun təhlilinə həsr olunmuşdur. Tədbir çərçivəsində Azərbaycanın şəhərlərinin regional ixrac və logistika mərkəzləri kimi mövqelərinin gücləndirilməsi, eləcə də qlobal ticarət şəbəkələrinə inteqrasiyasının genişləndirilməsi məsələləri nəzərdən keçiriləcəkdir.

Forum dövlət qurumlarının nümayəndələri, beynəlxalq təşkilatlar, investorlar, ixracatçılar və logistika operatorlarını bir araya gətirərək nəqliyyat dəhlizləri, logistika infrastrukturu, multimodal daşımalar, rəqəmsal həllər və dövlət-özəl tərəfdaşlığı sahələrində mövcud imkanların müzakirəsi üçün platforma təqdim edəcəkdir.

Ümumdünya Şəhərsalma Forumunun On Üçüncü sessiyasının (WUF13)  məqsədlərinə uyğun olaraq, tədbir dayanıqlı, davamlı və innovasiya yönümlü şəhər iqtisadi inkişafının təşviqinə, eyni zamanda praktiki əməkdaşlıq imkanlarının genişləndirilməsinə və yeni tərəfdaşlıqların qurulmasına töhfə verəcəkdir.

Tədbirin dili: Azərbaycanca

İştirak növü: Yalnız dəvətlə