Şəhərsalma Kvesti: Sea Breeze-i Kəşf Edin

See Breeze 

Şəhərsalma Kvesti: Sea Breeze-i kəşf edin — qonaqları Azərbaycanın Xəzər sahilində yerləşən, yaşayış, ictimai məkanlar, infrastruktur və istirahət imkanlarını birləşdirən müasir və ekoloji yönümlü Sea Breeze kurort şəhərinin əsas məkanları ilə tanış edən interaktiv kvestdir.

Kvest 11–17 may tarixlərində keçiriləcək. İştirakçılar Sea Breeze ərazisində 20-dən çox məkanı ziyarət edərək, xüsusi hazırlanmış marşrut üzrə müstəqil şəkildə hərəkət edib müxtəlif tapşırıqları yerinə yetirəcəklər. Bütün marşrutu keçmək təxminən 2 saat çəkir. Yol boyu bəzi dayanacaqlarda iştirakçılar üçün kiçik hədiyyələr təqdim olunacaq. Kvesti düzgün cavablarla tamamlayan iştirakçılar isə əlavə mükafatlar qazanacaqlar. Əvvəlcədən qeydiyyat tələb olunmur.

Tədbirin məqsədi WUF13 çərçivəsində inteqrasiya olunmuş şəhər mühitinin necə qurulduğunu göstərmək, həmçinin dayanıqlı şəhər inkişafı barədə məlumatlılığı artırmaqdır. İştirakçılar bu kvest vasitəsilə şəhərlərin necə planlaşdırıldığını, insanların orada necə yaşadığını və müxtəlif hissələrin bir-biri ilə necə əlaqələndiyini daha yaxşı anlayacaqlar. Kvest həmçinin şəhərsalma, mobillik, ekoloji yanaşma və həyat keyfiyyətinin müasir kurort şəhərin formalaşmasındakı rolunu nümayiş etdirir.

Tədbirin dili: Azərbaycanca/İngiliscə

İştirak növü: İctimaiyyətə açıq